[Haitian Creole] Fidbak sou Mizajou Dizay West Broadway a
Mèsi pou tan ou pran pou bay fidbak ou sou konsepsyon nou mete ajou pou West Broadway a. Non sèlman nap repare lari a ak rekonstwi twotwa yo, men tou Vil la gen pou objektif pou redesine lari a pou amelyore sekirite pou tout moun kap itilize lari a.
Aprè li t rasanble ak revize fidbak ki soti nan manm kominote a nan sezon prentan 2024 sou premye konsèp dizay lari a, Vil la te devlope yon pwopozisyon konsepsyon mizajou. Nou vle pou dènye chanjman nan konsepsyon yo reflete fidbak kominote a, pandan y ap kenbe objektif kle pwojè a ak eleman li yo, ki gen ladann yon trafik kalm, travèse pi byen ak amelyorasyon stop otobis, pwoteje bisiklèt kap soti nan tou de direksyon, ak kenbe pakin lari yo sou yon bò nan Broadway. Anplis de sa, konsepsyon sa a montre kote ki pwopoze nouvo pyebwa ak zòn pou plante.
Pou plis detay sou konsepsyon an:
- Tcheke bwochi sa a ak yon rezime sou chanjman ki pwopoze yo
- Gade yon prezantasyon anrejistre ki dekri pwojè a ak konsepsyon an (ki disponib nan lang angle)
- Li diferan paj prezantasyon yo (disponib nan lang angle)
Kounya a nou vle tande repons ou! Pase ankèt sa a pou bay fidbak ou sou Konsepsyon yo pwopoze a. Oubyen tou ou kapab rele nou sou 311 (617-666-3311) si w ta prefere pase ankèt la nan telefòn, oswa jis voye yon imèl avèk fidbak ou bay ekip nou an sou transportation@somervillema.gov. Si w vle resevwa imèl regilye sou tout mizajou konsènan pwojè a, tanpri abòne ak Bilten Mobilite Chak Mwa a.